TAIFA STARZ KUIPA RAHA TANZANIA LEO

                                         Taifa Starz wakifanya mazoezi Jana.

Timu ya Taifa ya Tanzania (Taifa Starz) leo inategemea kucheza na Timu ya Taifa ya Ivory Coast ambao watakuwa nyumbani katika Uwanja wa Felix Houphouet-Boingny, Jijini Abidjan kwa lengo la kuwania kufuzu fainali za Kombe la Dunia litakalofanyika Brazil mwaka 2014.

Mechi hii inatarajiwa kuchezwa mida ya saa 11 jioni kwa saa za Ivory Coast ikiwa ni sawa na saa 2 Usiku kwa saa za Afrika Mashariki.

Starz iliwasili Abijan juzi jioni, pamoja na kuanza mazoezi hapo jana kwa ajiri ya kujiandaa kupambana na Timu ya Taifa ya Ivory Coast ambayo inatazamiwa mechi hii kuwa ngumu kwa Taifa Starz kutokana kuwa Ivory Coast itakuwa na wachezaji wake wa kutumainiwa wanaocheze mpira wa kulipwa ligi mbalimbali ikiwemo ya Ulaya kama vile Didier Drogba.

Hata hivyo, pamoja na Starz kuwa wanakibarua kizito siku ya leo kocha wake Kim Poulsen ana matumaini ya kufanya vizuri na kuwafurahisha watanzania kutokana kuwa wachezaji wote wanaendelea vizuri na kujivunia uwepo wa mchezaji mshambuliaji wakimataifa anaechezea soka la kulipwa katika klabu ya TP Mbazembe, Mbwana Samata kuwa ataweza kuisaidia Starz hasa katika ile safu ya ushambuliaji na kuweza kufanya vizuri katika mechi ya leo.