TRUVADA DAWA YA UKIMWI ITASAIDIA RAIA TANZANIA?

Baada ya Mamlaka ya Chakula na Dawa ya Marekani (FDA) kuidhinisha dawa ya Truvada kuwa tiba ya kuzuia kuenea kwa Virusi Vya Ukimwi (VVU).

Dawa hiyo ambayo awali ilikuwa katika kundi la zile zinazotumiwa kwa ajili ya Kupunguza Makali ya VVU (ARV) sasa imepandishwa chati wakati ambapo tayari ipo sokoni ikiuzwa kama moja ya ARV za kawaida kwa shilingi Milioni 1.4 kwa dozi.

Kwa mujibu wa maelezo ya FDA mwathirika anayetumia dawa hiyo anaweza kujamiiana na mwenza wake ambaye hana VVU na hatomuambikiza.

Lakini cha kujiuliza hivi kweli kwa hili Ukimwi utaisha au ndio itakuwa sehemu ya watu kufanya uzinzi adharani? Mana hivi tu hakuna dawa watu hawaelewi hatari yake kwa kuendelea kuzini.

Vilevile pamoja na hali yetu tulionayo hasa watanzania wa hali ya chini tunaoishi kwa dola moja kwa siku ambapo inapelekea kula ya mtu mwenyewe tatizo sasa kununua dawa hii inayouzwa mamilioni ya pesa ataweza kweli? Cha msingi hapa ni kwamba serikali yetu iangalie swala hili na kuwasaidia wananchi wake vinginevyo Ukimwi hautoisha ila matajiri na watu wa mijini kwa kiasi kikubwa ndio watakao faidika kwa hili kuliko waliovijijini.