ALI KIBA APATA ZAWADI YA VYOMBO VYA MUZIKI

Mtayarishaji (Producer) MAN WATER wa Combination Sound iliopo jijini Dar es salaam ametimiza ile haadi yake ya kumpa vyombo vya muziki mwanamuziki wa kizazi kipya ALI KIBA alioihaidi wiki kama mbili tatu zilizopita.

ALI KIBA mwenyewe alisema amefurahia kupewa vifaa vya muziki ambavyo ni Gitaa na Vinanda viwili vyenye thamani ya sh mil 1.5 baada ya wimbo wake wa DUSHELELE uliotengenezwa ndani ya Combination Sound kufanya vizuri.

MAN WATER alimkabidhi  vifaa hivyo msanii huyo ni katika kutoa motisha kwa kila msanii anayerekodi kwake katika studio ya Combination Sound na Ngoma yake inapopata nafasi ya kufanya vizuri katika vituo mbali mbali nchini na nje ya nchi kwani inamsaidia kumuinua msanii na kuitangaza studio yake.

Kwa upande wake ALI KIBA alisema kuwa kwa kupewa vifaa hivyo kumtamfanya aongeze bidii katika utoaji wa kazi nzuri zinazoendana na ubora wa kimataifa.

Na kuongeza kuwa vifaa hivyo vitamsaidia katika kazi zake za muziki kwani amekuwa akivihitaji kwa muda mrefu na sasa amevipata.