Hemedi P.H.D amewatolea uvivu wasanii wa movie nchini Tanzania

MSANII wa muziki na filamu za kibongo, Hemed Suleiman ‘P.H.D’, amesema majivuno ya wasanii wakubwa wa  Bongo movie ni sababu moja wapo inayochangia kwa kiasi kikubwa kushusha ubora wa filamu Tanzania.

Ameongeza kuwa wasanii wengi baada ya kucheza filamu kadhaa wanaanza kujiona tayari wametoka na hata wakiitwa kucheza filamu fulani ambayo haina nyota wengi wakubwa wanakataa.

Aliongeza kuwa kwa upande wake hawezi kukataa kucheza filamu hata kama ndani hakuna staa yoyote kwani anaamini chipukizi wengi wana uwezo mkubwa kuliko hata hao mastaa wenyewe.

Amewashauri watu wanaokuwa wakiwatumia sana nyota wakubwa kwa lengo la kuuza filamu zao lakini ukweli ni kwamba hata chipukizi wanauwezo mkubwa wa kucheza na kufikisha ujumbe kuliko hata mastaa hivyo wajaribu kuwatumia wasanii wadogo na sio kuwatenga katika tasnia hii.