KUMBE HUYU NDIO CHANZO CHA UMASIKINI WA WASANII WA FILAM NCHINI

William Mtitu

Inajulikana kuwa Wasanii wetu wanaigiza Filam nyingi sana lakini mwisho wa siku ukijakufuatilia maisha yao kiundani au wakifariki utagundua siri kubwa sana iliojificha hasa pale utakapogundua kuwa Msanii ameondoka hana Nyumba wala Biashara ya maana inayoendana na umaarufu alionao.

Kwa mujibu wa Wiliam Mtitu ambae anamiliki kampuni ya Filamu ijulikanayo kama 5Effects, amesema kwa kiasi kikubwa  Wasambazaji wa kazi zao ndio chanzo kikubwa cha wao kuwa au kufa wakiwa masikini pamoja na kufanya kazi nyingi sana ambazo kwa uhalisia wake lazima zingemfanya mtu awe na maisha mazuri.

Amesema haya pale alipopost kwenye mtandao wa kijamii kuwa “BILA STEPS INAWEZEKANA” hasa kutokana na maswali ambayo akutana nayo kutoka kwa mashabiki wa filam nchini “kwanini ameamua kusambaza filam zake mwenyewe kupitia kampuni yake ya 5effects wakati kuna makampuni mengi ya usambazaji wa kazi zao na yenye kujulikana mikoa mingi nchini kuliko kampuni yake?”

Lakini Mtitu amesema kuwa yeye ndie Msanii wa kwanza kufanya kazi na kampuni ya Steps lakini matokeo yake mpaka leo hajaona faida yake kwasababu hawatoi malipo ya filamu wanazozinunua kwa muda muhafaka na nunua haki zote za filamu wanazopelekewa kwa ajili ya kuzisambaza kwa hiyo baada tu ya kusaini mkataba wao unakuwa huwezi kufaidika tena na chochote kutokana na mauzo au faida nyingine zinazotokana na filamu yako, hivyo kutufanya tuendelee kuwa mafukara siku hadi siku.

Ameongeza kuwa hata Marehemu Steven Kanumba pamoja ameigiza filamu nyingi na kujizolea umaarufu ndani na nje ya Nchi lakini hajaacha filamu wala hana filamu yeyote iliochini yake baada ya kusaini mkataba na Steps. Ndio maana hata siku kamati ya Mazishi ya Kanumba ilipoitwa Ikulu kwa rais wa Jamuhuri ya muungano wa Tanzania Ndugu Jakaya Kikwete alipowauliza Kanumba ameacha filamu ngapi walishindwa kujibu lakini kwa aibu ilibidi waongee ukweli na kutokana na jibu walilolitoa rais alisikitika sana.

“Mheshimiwa rais kwa kweli Marehemu Kanumba hajaacha hata filamu moja, zote ni za msambazaji wake na hata mbili ambazo zilikuwa hazijatoka yaani ‘Ndoa yangu’ na ‘Love & Power’ tayari zilikuwa ni za msambazaji kutokana na aina ya mkataba tunayoingia na msambazaji.

Pamoja na hayo, Mtitu aliongeza kuwa nawashangaa watu wanaomshutumu mama mzazi wa Kanumba kuwa amemaliza mali za mwanae na sasa anaishi kwa kufadhiliwa na Lulu, wangejua kilicho nyuma ya pazia wangemuonea huruma badala ya kumshutumu. Wakati Steps wanakiri kuwa filamu iliyowahi kuuza sana katika historia ya kampuni yao ni ‘Ndoa yangu’ ya Kanumba, hawasemi kuwa familia yake imenufaika vipi zaidi ya kupewa tuzo.

Mtitu akasema mfano mwingine hai ni wa marehemu Said Juma Kilowoko (Sajuki) ambaye ni miongoni mwa wasanii maarufu na watayarishaji wa filamu. Lakini Marehemu Sajuki alilazimika kuzunguka na wasanii wenziye mikoani akiwa anaumwa taabani ili tu aweze kupata fedha za matibabu wakati amefanya kazi nyingi sana. Vilevile ilibidi mkewe Sajuki, Wastara atengeneze ‘Mr & Mrs Sajuki’ ili aweze kupata fedha za kujikimu na zakumuuguza mumewe.

“Kama tungekuwa hatulazimiki kuuza haki zetu zote, familia hiyo ingeweza japo kupeleka filamu zake kwenye vituo vya runinga barani Afrika ambako ni chanzo kingine cha mapato kwa msanii ndio maana nimeamua kujitoa Steps kwa kuogopa familia yangu isije kudhalilika baada ya kifo changu”.Amesema Mtitu