MSANII IZO B AWATIBUA MASHABIKI WA MUZIKI BONGO

Izo Business

Mwanamuziki wa kizazi kipya nchini Tanzania, Izo Business amewatibua mashabiki wa muziki wa kizazi kipya hasa wa Hip hop baada ya kuojiwa katika kipindi cha THE CRUISE  kinachorushwa  East Africa Radio kwa kuwachana
wasanii wanaofanya vibaya (kuzingua) kwenye muziki wa Hip Hop nchini, kuwa kama hawajui muziki bora waache.

Hali ya hewa ilichafuka pale East Africa radio walipoandika status katika peji  yao katika mtandano wa kijamii wa Facebook juu ya maneno aliosema Izo B, ili raia watoe maoni yao, ndipo ilipoonekana wazi kuwa kauli yake imewakela sana mashabiki wa muziki huo hapa nchini.

Kwani katika idadi ya wachangiaji wa mada wengi wao walionekana kumpinga kwa kiasi kikubwa na kujaribu nao kutoa tasmini zao juu ya muziki au kipaji chake, kuwa hata yeye bado kina mashaka na hasipojiangalia ipo siku atapotea kama wenzie waliowai kufanya muziki wa aina yake na wakapotea.

Izo B kwa sasa anatamba na ngoma yake ijulikanayo kama “Love me” ambayo amewashirikisha wasanii wenzake “Barnaba Boy na Shaa” na inaendelea kufanya vizuri katika vituo mbalimbali vya radio na runinga hapa Nchini.